Un vin morbid..

Su di une publicitât di un vin che zire sui canai da television di fevele da importance dal terroir (sperin che savedin di ce che fevelin) e da impuartance che à le morbidece di un vin. Par definì le morbidece o miôr le molece di un vin che si pol ricognossi a l'esam gustatîf ciapi spunt dal manual di Gotart Mitri "L'art dal cercjadôr di vins" (Ed. Societât filologjiche furlane): Slis: si lu dîs di un vin dulà che si sint une decise sensazion di molece par vie di une buine concentrazion gliceriche e alcoliche. Par solit si trate di vins struturâts e madûrs che si ju bêf dai 4 ai 8 agns de date di produzion. Cheste valutazion e pues sei slargjade ancje a chei vins che àn une cuantitât di sucar residuis dentri tra 5-10 gr/l.

Cumò cercjà e valutà.. no covente un diploma di sommelier par chest!

Un libri...

Amedeo Giacomini, nassut a Varmo e poete tradot in tantis lenghis, l'à prodot ancje une serie di romans e di contis. Chel co lei cumò si intitule "Viaggio in Friuli tra i vini e gli uomini". Ce che mi à culpit sin dal principi je stade le conte di une realtat cuotidiane, dulà che i vins furlans deventin un simbul, un mieç par contà une zornade special o un troi particolar dal Friul.

...."Sono riuscito a salvare dal disastro (il taramot dal 6 di mai dal 1976, ndr) della cantina alcune bottiglie...Emilio (Emilio Bulfon, ndr) è andato tra le macerie e quand'è ricomparso stringeva in pugno, nera reliquia, una bottiglia... Quel vino meraviglioso aveva il profumo ed il sapore della speranza."

Si fevele di piculit neri, un vin che si cjate dome in pocis cantinis e che propit le Aziende Bulfon a cirut di salvà e recuperà. Propit come i pais dopo il taramot ...

Calendari da lunis par imbutiglià

Ancje se ormai le chimiche je jentrade in cantine cun prepotence, pensi sedi simpri mior scoltà i boins consei e seguità a doprà lis fasis da lune par lavorà il vin.

Chist calendari mi è stat ufiart durant le visite in ta cantine Pitars dongje a altris consei.. tipo imbutilià cuand che no l'è inulat e cence aiar, e lassà polsà il vin une volte imbutiliat almancul par 30/40 dis!

Lui dal 8 al 21

Avost dal 7 al 19

Setembar dal 5 al 17

Otobre dal 5 al 17

Novembre dal 3 al 15

Dicembre dal 3 al 15

In ros lis setemanis conseadis par imbutilià vins di valor!

Un chel sfrute le lune ancje pal so sit l'è Josko Gravner

Le onde zale!!!

Le notizie je uficial: i cines an comprat Chateau Richelieu in chei di Bordeaux!!

Il marcjat cines l'è simpri plui in espansion e lasin che noatris si bevi il sakè e il vin copiat che produsin lor! Se val le regule (sacrosante!!) poc ma bon, san scielzi il bon vin.

Bisugne dome sta atents ai numars: i potenziai consumadors di vin son 10.000.000!!!!

Veso vonde vin in cantine par dagj di bevi a duç???

Sgnape a lis jerbis

Une pasion che simpri ven fur cun le biele stagjon je che di tornà a jemplà le dispense cun conservis, marmeladis, sotvuèli, duç preparas in cjase.

Chist lè il mio contribut:

Sgnape a lis jerbis

1 litro di gnape

250 cc di aghe bulide

200 gr di zucar

1 ramut di rude

3 fueis di aloro

1 ramut di rosmarin

4 fueis di salvie

8 fueis di jerbe Luise (jerbe cedrine)

5 fueis di jerbe miluce (jerbe melisse)

1 rose di fenoli

Meti dut in infusion par 40 dis in une butilie scure, dopo filtrà ...e sperin che plasi!!!

Visite in cantine!!!

Disi simpri che bisugne cognosi lis bielis realtas che son ator pal Friul.. Alore soi lade a cognosi i proprietaris da Cantine Pitars che nus segnalin simpri tantis iniziativis.

Acueil: si, il clima di serenitat, di acueil, di bon fà che si sint rivand in Aziende l'è grand. Rimirà lis vignis da vetradis e, se vaais, no stet piardi le visual che si à da l'ultim plan... E chel soirut chel zire cun lis fuarpis a potà lis rosis cui ise? Il zardiniar? No, il paron di cjase!!!

Vignarès voe di sintasi ta sale cul camin e sta l'è cun t'un bon tai e cualchi ami selezionat a tabajà. Le scjielte dai vins je tante, sie tal mond dai ros che dai blancs. Us segnali Naos e Angelo.....

Spietin dome il sit web che stan restaurand...

Fuoco lento

Tal mio ultim viaç in Friûl , fra tantis robis che contarai tai prosims post, ai scuviârt le riviste FUOCO LENTO che fevele di enogastronomie furlane: prodôs, ricetis, locai, manifestazions, dut in une prose facile di lei ancje par no aderens a cuisà cuale associazion mistiche sui vins. Un invît ancje a visità il sit di chiste riviste che colabore ancje cun Vino & (riviste slovene) e cun Advantage (riviste austriache). Un biel mût di confrontasi, di fà ancje Europe, di fà zirà esperiencis e ideis.

Magari sares biel ancje une pagine furlane.... Fasarai le proposte...

I spirit Vodka

Fantinel, Elkan, Cipriani e Cosulich: cussì je targade le gnove produzion di vodka che second il Messagero veneto je Made in Friûl e second altris je made in Venit.

La vodka je otignude di solit da fermentazion di patatis e cereâi, cumò si vares di doprà par chist prodot dal Nord-Est (cussì pal moment no si rabie nissun) finissimis cereâi e vins blancs dal Friûl di livel, par tornà a cjapà l'ereditât di Bepo Cipriani chel distilave Vodka tai ains Quarante.

Le butilie samêe une fantasime, ma ancje se cun cualchi dubi, auguri buine aventure a chist prodôt!

Par cercjalu si à di spietà setembre.....