Bottega Friulana

Par chei che no rivin a cjatà duç i prodòs par preparà une biele cene furlane e magari son lontans dal Friul e no san cimut fà spese, une buteghe online di prodòs furlans po jessi une biele idee. Si pol ancje contattà ogni aziende, ma cussì samee propit di jessi a fà spese in Friul!! Ai cjatat ancje un altri sit dulà che si fevele di culture enogastronomiche in Friul, che si clame Friuli Tipico. Ma su chest sit mi a vignude cualche perplesitat cuand che in tes gnapis no je come aziende la Nonino.. Mi pareve che no fòs tant piçule di dismenteale......

I poetas dal vin

In une poesies dall'abat Zuan Batiste Michieli (ator dal 1700) intitolade: Bacco in Friuli o sia ditirambo sopra i vini del Friuli e segnatamente sopra il Picolito je une biele esposizione enologiche di vins furlans ancje cualchidun sparit:

Del bel Turro (Torre) sulla sponda
il buon vin alligna e abbonda
che del dolce Berzamino
ne berrei per poco un tino:
e vorrei sempre esser solo
nel ber a tazze piene il buon Pignolo.

E le storie va indenant contand ancje cimut che i produtors spedivin in dute
l'Italie e ancje "al Franco e all'Ispano".

E par finì un brindisi di un anonimo al Picolit:

O Picolit, o liquido tesoro
Figlio gentil di friulane viti
...........................................
Fra splendidi piacer di lieta mensa
Le tacce irrora, e con nettaree stille
Risveglia in sen le provvide faville.

Buine fieste dal prin di Mai !! Vualtris che podes festegià......

ESRA.FVG 2

Altris nutizis interesantis vegnin da fatoris pas scuelis, in te aree didatiche. Soi lade a viodi lis propuestis che erin presentis e tantis iniziativis son par mostra a grands e piçui lamps di storie e culture contadine in Friul. Ma le lenghe furlane je lade pai trois: dome dos aziendis (lis ai cjaladis cuasi dutis..ma se je è cualchi mancianze visait!) presentin lis ativitas ancje in furlan,magari dome a richieste: mior di nuie!!! Un poc di plui no si pol doprà chiste puare lenghe furlane par spiegà cimut che si fasin lis pipinis cui scus da panole o magari lis sportis "ecologichis" par là a marcjat??? Lis aziendis son: Doi Cocolars Là dai Pitars Buinis spedizions in campagne!!

A proposit di modis...

" Ora, per mia fortuna, va di moda fare finta di intendersi di vino, così tu vedessi quanti ragazzotti entrano nel dopocena, prendono la lista dei vini e poi ti chiamano:'Mi berrei volentiri un..? e magari ti scambiano il nome della fattoria con quello del vino, oppure vogliono un Chianti dell'87 che se uno se ne intendesse un minimo saprebbe che un Chianti dell'87 al massimo lo puoi usare come combustibile, e poi come se non bastasse ci mangiano i formaggi con il miele."
Marco Malvaldi -La briscola in cinque

L'à propit reson! cumò duç espers che zirin dis minus il vin ta tace par dagj aiar (come se no savesin che i parfums a fuarce di zirà il vin a svaporin), che come Albanese l'à ben mostrat ta so parodie rivin a sintè l'odor da rose pastanade daur cjase dal sindic, e poi magari simpri parce chel va di mode misturin savors, che fasin vignì fur len e amar.
Magari mior dos nozions siguris che tante cjacare. Ma mi a parut che si è scuminzat a sbassà lis alis e che la crisi vedi moderat ancje chistis personis. Insome sin tornas al classic che non pase mai di mode: preparazion e judizi.

Le vendeme e i trois dal vin

In un periodo dulà che son duç che vendemin, il consei cjatat su Repubblica di uè no l'è mal.
Un poc lontan le Alsazie, magari plui dongje le Sardegne, ma cumò l'è propit un biel stà cui colors da vis che cambin, cun le ue pronte e cun le fadure che si viot tra chei che son al lavor.
Cimut sarae chiste vendeme? Di sigur plui abondante da precedentis e dopo....si scuviarzarà tra cualchi mes in cantine

Libris e vin fasin culture!

L'asociazion dai Albergos dal Libri d'aur, presentin le iniziative "Golden Book Wines". Si leè i lucs lis vignis e lis cantinis da aziende insieme in une storie, ad opare di un scritor famos.
In Friul fas part di chiste cjadene di hotel:
HOTEL RELAIS L’ULTIMO MULINO - Fiume Veneto (PN)Tel. +39 (0434) 957911 - Fax +39 (0434) 958483info@lultimomulino.com - www.lultimomulino.com.

Propit un biel sisteme di fà culture!!!!

Friul, vie dai savôrs - Cene special

Sarà presint a Mogliano Veneto (!!) a Villa Zoppolato martas 27 di Lui as 8 di sere une cene-spetacul cun 50 mestris dal gust: 20 chef, 20 produtors di vin, 5 specialist da jentradis e 5 specialist dal finâl. Il dut organizat dal consorzio Friuli Venezia Giulia Via dei Sapori
Par ve plui informazions e prenotasi:
info@friuliviadeisapori.it
www.friuliviadeisapori.it

Albergo difondut

Ai cjatat un servizi sui borcs da Cjargne di cui vevi fevelat timp fà par Le Patrie.
Mi mancje dome une robe: il licor di olivello spinoso.
Ameti le mè ignoranze, no sai di ce che si trate..

Amis dal zardin

Primavere e i zardins si colorin.
Il 16 di mai je fieste dai amis dai zardins e rimirà tanç biei colors magari in cualchi aziende che sepi ofrì ancje bon bevi, nol è mal.
Partecipi a chiste iniziative le Tenute di Blasig e le Cantine Pitars.

PS Poi magari dopo ve fat un mazet domandait a jaio il furlanar un vas biel come le so creazion ripuartade in ta fotografie!!!

Seso ancjemo a bevi coca-cola?

Ven siarât l'an cun la Coca Cola ma soi sigure che NISUN mi vedi scoltade!
Dopo il letargo invernâl tornin a fevelà da robis che nus intrighin di plui: i vins.
Ancje il numar di gjenâr-fevrâr da Patrie dal Friul (www.lapatriedalfriul.org) si è viart cun une interviste a Gianola Nonino, su une passion di fameè come le sgnape Nonino e il premi Risint d'Aur. Sì propit le passion e permet a cualchi desideri, che in su lis primis, disen no realizabil, di deventà realtât. E propit le pasion dal vin a tornât a fà parti il blog di sommelier furlane...

I Gnognosaurs

L'è rivât l'invît pe presentazion dal libri di fumuts par furlan "I Gnognosaurs" di Andrea "Dree" Venier, li de librerie Ribis di Udin (in vie P. Canciani 14) sabide ai 28 di Novembar a lis 5 di sere. Le dì prime, invezit a Pordenon , Caffè Letterario, (place da Motta) a lis 6 di sere.
Altris informazions e gnovis si puedin cjatâlis li dal blog dai Gnognosaurs http://www.gnognosaurs.blogspot.com/ dulà che a son ancje zûcs, strichis ineditis, contignûts di scjamâ e lis indicazions par ritirâ Gnogno-gadget gratis.
Par informazions:
Andrea Venier mailto:Venierdreevenier@yahoo.it
Libreria Ribis tel. 0432 505282

...ancje lôr an fate le Vendeme.... e poi cuissà che nol vegni fûr une striche che consei ai fantàs di bevi pôc e ben....

Teatri e vin...

Fra lis tantis iniziativis che cumbinin cul vin di segnalà lis comedis di Plauto in distillerie(Altavilla Monferrato. Alessandria). Chist an "Asinaria-Tutti asini per amore".

Ancjemò teatri cun un taule tal centri da scene e il protagonist cun 3 storis, che dal Blanc, che dal Moss, che dal Ross. Dut cumbinat cun musichis adatis...e cun prodòs locai!

Parce che si conte in musiche l'anime dal vin....

Vendeme...

Vendeme tradizional o cun lis machinis: ma no piard il so fascin....

Ringrazi pas imaginis le cantine Pitars (PN)

Viandans dal vin in Europe

L'associazion Città del vino dà nutizie da nasside dai Viandans dal vin, progjet puartat indenant in Europe da Iter Vitis e das Città del vino europeis, che si clamarà "Les chemins de la vigne in Europe". Itineraris originai e alternatifs par movisi in Europe dulà chel vin l'è un mieç par pasà i cunfins e par scuviarzi le identitat Europee. Se si pense che lis viis si partavin ancje come dote di gnocis di un stat a chel altri (Tocai docet), si viot come le culture enologiche dal vecjo continent devi jessi conservade e tutelade propit in un moment di globalizzazion e di estirpazion, magari propit di vignis situadis su zonis imperviis. Ma no ai rivat a capì se chisc itineraris tirin dentri ancje il Friul. Che si fasì alc..!

Visite in cantine!!!

Disi simpri che bisugne cognosi lis bielis realtas che son ator pal Friul.. Alore soi lade a cognosi i proprietaris da Cantine Pitars che nus segnalin simpri tantis iniziativis.

Acueil: si, il clima di serenitat, di acueil, di bon fà che si sint rivand in Aziende l'è grand. Rimirà lis vignis da vetradis e, se vaais, no stet piardi le visual che si à da l'ultim plan... E chel soirut chel zire cun lis fuarpis a potà lis rosis cui ise? Il zardiniar? No, il paron di cjase!!!

Vignarès voe di sintasi ta sale cul camin e sta l'è cun t'un bon tai e cualchi ami selezionat a tabajà. Le scjielte dai vins je tante, sie tal mond dai ros che dai blancs. Us segnali Naos e Angelo.....

Spietin dome il sit web che stan restaurand...

Fuoco lento

Tal mio ultim viaç in Friûl , fra tantis robis che contarai tai prosims post, ai scuviârt le riviste FUOCO LENTO che fevele di enogastronomie furlane: prodôs, ricetis, locai, manifestazions, dut in une prose facile di lei ancje par no aderens a cuisà cuale associazion mistiche sui vins. Un invît ancje a visità il sit di chiste riviste che colabore ancje cun Vino & (riviste slovene) e cun Advantage (riviste austriache). Un biel mût di confrontasi, di fà ancje Europe, di fà zirà esperiencis e ideis.

Magari sares biel ancje une pagine furlane.... Fasarai le proposte...

Maî in Musiche

Duç di corse in chel di Valvason (http://www.comune.valvasone.pn.it...eventi/) pal concert di musiche gratis in Domo chel sarà il 10 di Maî tal dopodimisdi e dopo in te serade in tes cantinis da Aziende S. Martino (lì si paè 20 euros) ancjemo cun musiche e degustazion!!!

E ce degustazion! Scoltand musichis di Mendelssohn, Shostakovich e Brahms, si cercjara frico, persùt di S. Danel, speck di Sauris, formadis, sparcs, salsis al crèn e par finè tortis di ciocolade!!

Dismenteavi: se no si pol il 10, provait il 8 di maî as nûf di sere stese cantine, chiste volte cun le corâl Mangart di Tarvisio (ingres libar).

Ancjemò su le crisi...

Si sà che i furlans son apasionas di ort, tant che il 50% da int in Friûl l'è impegnât in chest HOBBY. Ma cun le crisi chist l'è deventât ancje plui important . Une industrie americane di samenzis tal 2008 à vindût il dopli rispiet a l'an pasât. E samèe che dongje da l'ort su lis teracis, vedin cjatât puest ancje lis gialinis cun gabijs ecologichis. Insome mi par che si torni indaûr di cualchi an, e mi pàr di viodiu chists gnufs contadins domandasi di une terace a che altre: "Toni, cimut ti cresie il lidric?" "Bepo, mi par ben, ma ai di stà atent che nol rivi cualchidun a cjapalu su prime di me, chiste je une terace condominiâl!!!"

Il mior formadi USA?

Il formadi chel à vinçut il prin premi come mior formadi in Americhe l'è il "Sarvecchio Parmesan" prodot in Wisconsin cun cualitat, a dete dai esperts, propit alte. Ancje al second puest un formadi-copie Italy: "Classico" cun lat di cjavre. Dome al tiarc puest un cheddar, tipic formadi american (Coldiretti). Alore dos son lis pussibilitas: i americans an gambiat il gust des robis di mangjà, o il copie-made in italy el funzione. Cuissà se jere ancje un MONTASIO a stelis e strissis!!!

Salûs da Tiare di Erasmo

Simpri di plui "fà culture" el cjape aspiets plui slargiâts. In chist câs le cantine PITARS di S. Martin al Tagliamento joibe 26 di marz presente il volum "Saluti dalla terra di Erasmo" in coordinazion cun il Circul Culturâl di Erasmo di Valvasone. Son tre seradis (19/3, 26/3, 28/3) http://www.comune.valvasone.pn.it/.
Bon brindisi!