martedì 31 marzo 2009

Ancjemò su le crisi...


Si sà che i furlans son apasionas di ort, tant che il 50% da int in Friûl l'è impegnât in chest HOBBY. Ma cun le crisi chist l'è deventât ancje plui important . Une industrie americane di samenzis tal 2008 à vindût il dopli rispiet a l'an pasât. E samèe che dongje da l'ort su lis teracis, vedin cjatât puest ancje lis gialinis cun gabijs ecologichis. Insome mi par che si torni indaûr di cualchi an, e mi pàr di viodiu chists gnufs contadins domandasi di une terace a che altre: "Toni, cimut ti cresie il lidric?" "Bepo, mi par ben, ma ai di stà atent che nol rivi cualchidun a cjapalu su prime di me, chiste je une terace condominiâl!!!"

lunedì 30 marzo 2009

Il mior formadi USA?


Il formadi chel à vinçut il prin premi come mior formadi in Americhe l'è il "Sarvecchio Parmesan" prodot in Wisconsin cun cualitat, a dete dai esperts, propit alte. Ancje al second puest un formadi-copie Italy: "Classico" cun lat di cjavre. Dome al tiarc puest un cheddar, tipic formadi american (Coldiretti). Alore dos son lis pussibilitas: i americans an gambiat il gust des robis di mangjà, o il copie-made in italy el funzione. Cuissà se jere ancje un MONTASIO a stelis e strissis!!!

Efies da crisi mondial


Ancje il mond dal vin el sint i riflès da crisi mondial.

Considerat un "lusso", lis venditis son coladis in bas, soredut su le cualitat che si acuiste.

No si fevele dal Bordeaux (une butilie dal 2005 cuotade fin al lui 2008, 1000 euros, cumò e coste 500) ma dal vin "cuotidian". Spazi alore ai blancs di cualitat che samein cumò jessi premias dai consumadors pal bon rapuart cualitat/presit.
Cjase, biele cjase: par scjampà dall'etilometro e sparagnà sul ricaric dal presit dai ristorans, si cir di viargi lis butilis cjase, cun pos amis, e torne a jessi armonie!!

domenica 29 marzo 2009

Curiositâs




Tacè a dondolo
Barrique cun tap Swarovski

Ce nus fasino bevi?


Jessi informâs nol baste mai!! Dal 1 di avôst si podarà fà il vin rosat, misclizand vin rôs e blanc fin a vè un color di propit gradiment. Chist el suced zà atôr pal mond e alore ancje in Europe si à di fà cussì--> parcè?? Mi visi di un viaç in Provenze, patrie dai vins rosâs tradizionai e di parfums e colors une vore particolars. France e ancje Italie son lâs a protestà ma le famose commmissarie UE Mariann Fischer Boel samèe propìt che no gambi idee. Si scugnarà lei cun atenzion lis etichetis e cirè lis peraulis "vino rosè tradizionale" par jessi sigurs di ce che si bef!!!!!

lunedì 16 marzo 2009

Salûs da Tiare di Erasmo

Simpri di plui "fà culture" el cjape aspiets plui slargiâts. In chist câs le cantine PITARS di S. Martin al Tagliamento joibe 26 di marz presente il volum "Saluti dalla terra di Erasmo" in coordinazion cun il Circul Culturâl di Erasmo di Valvasone. Son tre seradis (19/3, 26/3, 28/3) http://www.comune.valvasone.pn.it/.
Bon brindisi!

domenica 1 marzo 2009

Primavere.. e tantis iniziativis!!


Ormai sta pasand chist unvier fat di ploè, fred e nef, e torne la voè di organizà degustazions e fiestis.
Chiste volte une altre segnalazion a Rome: Luca da organizzazion Operbacco el presente vinars 6 di marz a lis 21.00 a le Sale Sperimentarti (Via Montecuccoli 28, zone Pigneto) une degustazion sui vins da cantine dal Cjascjel di Buri.
Us spietìn par un brindisi!!!..e par preparà ancje gnovis iniziativis......

VVV: vin, velocitât, virtût


Torni a occupami di vin e guide da machine. Ogni altre dì, je colpe dall'acool se si côr masse, se si fâs lis garis a cui chel rive prime cjase, se si cjape lis stradis par pistis di formula UNO ! Vevi zà fatè le propueste di doprà i disocupâs astemis par autist che partin atôr lis personis che lavorin tal mond dal vin... Ma chiste storie "fantastiche" contade sul sit de l'Acqua Buona mi è propit plasude soredût pal "Vino angelico" e pa pastiglie "Disalcol". Le vecje filosofie dai talians: ciol une pastiglie e il problema l'è risolt!!!