Friulano da Guinness

Chiste je le butilie di Friulano plui grande dal mont tant che je jentrade tal Guinness .

Faseve biele mostre di sè in ta manifestazion " Vini & confini" che si è tignude a Gurize dal 10 al 12 di juin. Une buine idee che di confrontà generazions di viticultors e ancje generazions di prodòs par mostrà, grazie ancje a le sapiente conduzion di Davide Paolini gastronauta, e di altris esperts dal setor, lis evoluzions di un prodot chel è simpri stat in tes primis posizions da economie furlane: il vin. Speri che seguisin ancje altris edizions, magari cun cualchi picule corezion ( ma le prime edizion je simpri cussì), parce che cualchidun pensave plui a cjercjà che a capì il spirt da manifestazion..

Un consei: di cjercià le Ribuele di Radikon. Parce che un vin nol è mai scontat..

Creme di sclopìt e...

Creme di sclopìt, di radic di mont.. Dut cà di SlowFood a Glemone. Dulà cjatalu? Cimut falu? Par furtune chel è Internet e cjalait ce che si cjate. Ma no sen a fà concorenze ai blog di cusine, ma par fevelà di abinaments. Cuand che ai cjercjat chist vin ai pensàt subite ai crostins cun le creme di sclopìt: Sauvignon 2010 Pitars. Profumat, fresc, che nol stufe e cun tune persistence par fasi notà. Viarzidure di une cene, par poi continuà magari cun pès al for...


Ma no stet invidà chei che no aprezin....no mertin chestis sensazions...

Un irlandes in Friul

A le fiere par S. Antoni a Glemone, interesant il marcjat di prodòs Slow Food. E si incontrin ancje personis che fevelin di vin. A rapresentà cun grande braure il sò lavor, jere Patrick. Irlandes di nascite, in Asie el devente manager director da Li and Fung Industrial. Ma mase cori ator, e une biele zornade, Patrick decid cun le so famee di investè tal mond dal vin. El scuviarz che Pinzan sul Tiliment sedi une buine oportunitat. Tant lavor e tal 2008 Ucelut di Ronco Cliona el cjape 3 stelis su lis guidis dai vins.

Di là a viodi ancje il sit de so Aziende: une biele operazion di marketing, che pol insegnà tant..

E poi il menù cines par studià gli abinaments...

Un consei leterari

Juste cussì un consei leterari facil, di meti magari doman ta sporte pal mar o ta borse par là a fà un zìr in montagne. Par fevelà di vin plui tard chel è plui fresc: Friulano tal guinness!

Pensaviso fos piardude?

Soi dome lade a fà un zir in Patrie e stoi comedand dutis lis informazions tiradis fur in chest viaç.
Intant ducj invidas a le fieste a San Danel fin al 27 di Juin, a che dal Gjambar a Morsan al Tiliment, a Vivar (PN) pa fieste di san Zuan e a Brugnera pa fieste da Bire.
Se poi propit ses difici di contentà..... vait a lavorà....come me!!

In Austrie!!

FESTA DEI SENSI - Klein sant Veit 1, A -9560 Feldkirchen

www.festdersinne.com

Buine fieste!!!!

Cantine aperte

In ta domenie di "Cantine Aperte" un bon brindisi ai partecipans sparnizas par l'Italie.

Citazion

Chiste volte le citazion di un altri blog sui vins
http://www.acquabuona.it/2011/05/larte-della-cottura-della-carne-a-ciascuno-il-suo-calore/

Buine leture!!!

Bottega Friulana

Par chei che no rivin a cjatà duç i prodòs par preparà une biele cene furlane e magari son lontans dal Friul e no san cimut fà spese, une buteghe online di prodòs furlans po jessi une biele idee. Si pol ancje contattà ogni aziende, ma cussì samee propit di jessi a fà spese in Friul!! Ai cjatat ancje un altri sit dulà che si fevele di culture enogastronomiche in Friul, che si clame Friuli Tipico. Ma su chest sit mi a vignude cualche perplesitat cuand che in tes gnapis no je come aziende la Nonino.. Mi pareve che no fòs tant piçule di dismenteale......

Asolo Prosecco DOCG Superiore

Lu san duç ormai che le zone dal Prosecco includ un toc di Friul, par tigni dongje il pais di Prosecco a dute le zone classiche di produzion (le storie dal Tocai bruse ancjemò!).

Biele la degustazion ator par varis enotochis di Rome par le zone di Asolo (le altre zone je che di Valdobbiadene). Dis produtors an presentat le produzion e si è podut scielzi tra extra dry, brut e millesimat. Parfumat, fresc in bocje, ben ecuilibrat: di ogni campion si podevin dà chestis caratteristichis, ma ancje notà lis difarencis di ogni cjase di produzion. Ben ancje l'abinament cun la porchetta (no covente tradusi, je internazional!).

Le prossime volte che di cualchi bande mi presentaran un "prosecchino" par aperitif, mi tornarà tal cjaf chiste degustazion....

Vin, elisir di lungje vite?

Se si scolte Plinio il Vecchio (Historia naturalis, I secolo dopo Cristo) «l’imperatrice Iulia Augusta mise in conto al vino Pucino gli 86 anni, non bevendone altro. Nasce nel golfo del mare Adriatico, non lungi dalla sorgente del Timavo, su un colle sassoso, dove alla brezza marina matura per poche anfore, né si crede ve ne sia di migliore per i medicamenti».

Ancjemò si stà a discuti se il Pucinum el sedi Refosc o Terran, dal moment che si fevele di une cualitat di vin nigerrima, citat ancje par Erodiano.

Forsi le imperatrice veve scuviart l'elisir di lungje vite tant timp prime di dutis lis mascaris di belece cumò che si cjatin basadis sui antiossidans dal vin. Cuissà però cui chel pajave lis spesis di spedizion par fà rivà il Pucinum fin a Rome...

LineaVerde

Propit uè LineaVerde je lade a spass pal Friul e je lade a cjercjà prodòs regionai, ma ancje a mostrà tradizions e lucs dal Friul.

Purtrop mi è stat pussibil viodi domi il persùt di Sauris e le bire artigianal simpri di Sauris e il gran final, in ta place dal Cjascjel a Valvasone. Farinis, biscòs, pan, persut di San Danel, salam e par finì ancje un brindisi di Friulano!! E le tesidure da lane, ancje in lontananze le cjesidure da cjadreis, le piture, l'artigianat dai scùs, insome plui che un final sarès coventade une gnove puntade! Ma si varà di là di persone a fà un zir su pai borgs dal Friul!

Picolit e formadis

Cumò si use cumbinà i formadis di plui tipos cun marmeladis e mil.

Ma i vins licuoros e i vins dols?

Tant par studià vevin abinat il Picolit COF 2006 cun formadis blu o come che si clamin in Italie erborinas. I formadis in abinament erin:

Blu di Bufala

Gorgonzola Naturale Extra

Verde capra della Valtaleggio

Strachitunt

Zola blu Valle Grana

Il Picolit l'à cumbinat ben cui prins cuatri, ma nol rivave a fà front a le sapiditat dall'ultim, dulà chel è mior cumbinà un vin licoros come il Pedro Ximenes.

Par scuviarzi altris formadis http://www.iformaggi.it/

Proverbios

Duç ator tal mes di Mai a fà mirindis pai pras, a cirè il soreli, par giavasi vie il gris dall'unviar.
Ma par visasi di cimut che l'è important il timp in chiste stagion pal vin, ecco doi proverbios:

Ploie di Mai, vin tant che mai!

Se in Mai al tampieste nuie nol reste.

DOC Roma

Ai capit che par promuovi il turism no si sa ce inventasi, ma chiste propueste mi par un tìc fur di sintiment: DOC Roma, che vares di meti insieme le DOC da province.

Nol è vendi vin, ma vendi immagine di alc che nol è, Rome no si identifiche di sigur cun un vin, son robis difarentis che le rendin uniche....Par un pensiar plui professional, clicait cà!

I poetas dal vin

In une poesies dall'abat Zuan Batiste Michieli (ator dal 1700) intitolade: Bacco in Friuli o sia ditirambo sopra i vini del Friuli e segnatamente sopra il Picolito je une biele esposizione enologiche di vins furlans ancje cualchidun sparit:

Del bel Turro (Torre) sulla sponda
il buon vin alligna e abbonda
che del dolce Berzamino
ne berrei per poco un tino:
e vorrei sempre esser solo
nel ber a tazze piene il buon Pignolo.

E le storie va indenant contand ancje cimut che i produtors spedivin in dute
l'Italie e ancje "al Franco e all'Ispano".

E par finì un brindisi di un anonimo al Picolit:

O Picolit, o liquido tesoro
Figlio gentil di friulane viti
...........................................
Fra splendidi piacer di lieta mensa
Le tacce irrora, e con nettaree stille
Risveglia in sen le provvide faville.

Buine fieste dal prin di Mai !! Vualtris che podes festegià......

Pinot Grigio Santa Caterina

Pinot Grigio Santa Caterina Aziende Fantinel.

Un biel color zal in te tace di cui vegnin fur parfums di rosis di cjamp, agace e cualchi note di "agrumi" (no mi ven le peraule juste!). Reste sec in bocje e vonde persistent.

Perfet cul pes, ma ancje cun preparazions di prins no mase complicadis, come risot, gnocs cun spongje e salvie e cun seconds semplics e di ciars blancis.

Di gust ancje come aperitif.

Par un biel augurio di Pasche....

Une butilie.. dal gnò pais

Vin: Friulano (vendeme 2009) DOC Grave
Aziende: El clap - Vilegnove dal Judri - Udin

Sul friulano si è dit dut ormai. Chiste produzion ven fur da agricolture biologiche di une aziende a conduzion familiar e à compagnat ben il risot cui sparcs e il poleç rostit che erin tal menu.
Se pensi che di che bandis lì lavin a zuà di fruz (ancjemo no erin i gnognosaurs e i videogiochi!)

Segnalazions

Une ostarie Mandi a Milan che fas Muset e brovade no si pues no segnalà, come ancje lis ricetis e le organizazion dal blog Ma che ti sei mangiato...
Si puedi no dì chel Friul non l'è sparnizat par dute l'Italie??

Meditazions

Samee che l'interes pal vin sedi tornat tai binaris da normalitat.
Dopo ve viodut ducj che erin deventas intenditors, espers e cuissà ce altri, cun un sflurì di enotechis, wine bar di dutis lis bandis, mi samee che l'ambient sedi un poc cuietat.
Il vin tornat a deventà robe di elite? Forsi no, alc l'è stat semenat ancje ben, e le produzion in cualitat je propit crissude. Cumò son ator biei prodos, tante int à capit che fà vin nol è un zuc, che covente impegno e serietat. E che ancje se je une publicitat fuarte, se il prodot nol plas, l'e destinat a sparì.
Reste tant di lavorà su l'educazion alimentar e sui abinamens cul mangjà.
Ma dal moment che l'è un argoment complicat, l'à scars estimadors....

Lis informazions justis

Cuand che si fevele di diete mediteranee si dis che il consum di alcul l'à di jessi moderat. Sares plui coret fevelà di vin e no di alcul. L'Universitat di Barcelone à publicat un lavor dulà che si mostre cimut che il vin ( in chist cas ta varietat Merlot) conten proprietas antiossidantis pluitost chel gin ( Nutrition, metabolism and cardiovascular disease 2011;21:46-53). Le spiegazion? I polifenoli presints tal vin, e completamenti mancians tal gin. Poi l'è just dì che cualchi varietat come il Pinot neri l'è chel cun plui alte cuantitat di polifenoli cussì come i vins invecias in len (no cui cips, che dan dome il savor dal len!). Une juste informazion pol dome judà un prodot di cualitat...

A scuele di..blog enologic

Cimut no segnalà chiste iniziative? Cuasi, cuasi mi iscrivi al cors ancje jo.

No sares une brute idee imparà alc di gnuf specie sul vin furlan chel samee le storie dal "Brutto Anatrocollo": di un vin di ostarie a un vin di alte cualitat!!

Une butilie.... dismenteade

Propit cualchi dì fa je vignude fur une butilie di vin frances dismenteade. Si tratave di Gris des Sables 2005 Prestige dal Domaine di Montcalm, comprade in un viaç in Provenze e Camargue cualchi an fà. Tra l'altri veve vincjut il premi Medaille d'Or Paris 2006. Si trate di une produzion che ven fur dal cur da zone da Camargue, dal color rosat, che in te primis butilis veve une predominance di savors di mar. Le conservazion ere conseade masime par 24 mes. Une butilie piardude? Un mudament di color ere evident dal rosè si ere rivas all'ambre, ma une volte viarte a mostrat parfums di pomis (trisculis, lampons). Al gust secje, vonde morbide, sauride, plasevule, cence retrogust mareos. Pensavi di butale vie, invezit je finide a svelt. Mai pensà di savè dut sui vins!!!

ESRA.FVG 2

Altris nutizis interesantis vegnin da fatoris pas scuelis, in te aree didatiche. Soi lade a viodi lis propuestis che erin presentis e tantis iniziativis son par mostra a grands e piçui lamps di storie e culture contadine in Friul. Ma le lenghe furlane je lade pai trois: dome dos aziendis (lis ai cjaladis cuasi dutis..ma se je è cualchi mancianze visait!) presentin lis ativitas ancje in furlan,magari dome a richieste: mior di nuie!!! Un poc di plui no si pol doprà chiste puare lenghe furlane par spiegà cimut che si fasin lis pipinis cui scus da panole o magari lis sportis "ecologichis" par là a marcjat??? Lis aziendis son: Doi Cocolars Là dai Pitars Buinis spedizions in campagne!!

ERSA.FVG

No mi visi cimut che soi finide in chistis paginis web. Ma ai cjatat tantis nutizis interesantis In prin il congres (AGRIEST) che si è tignut il 27 di fevrar chel fevelave "A le scuviarte das vecis viis dal Friul". Però ce biel panorama di viis che si an! Cun un grand lavor dal 2002 al 2009 son stadis individuadis 180 varietas originals di cui 106 ros e 74 blancs, e son stadis recuperadis 25 varietas rosis e 18 varietas neris. Se chist nol è un grand patrimoni di vins!!! E se si và a viodi ancje il lavor di Paolo Silivotti si a ancje l'analisi sensorial dai vins. Dopo ve finit di lei il material su chist argoment (cuissà se vevin fat ancje documents di chist congress) mi è vignude tal cjaf le interviste a Gianola Nonino e le faturis par partà indenant certis produzions e le nasside dal premi "Risint d'Aur". E se vessin butade vie ancje le ribuele, il refosc e vesin mitut dut sauvignon e chardonnay? Par furtune i furlans tegnin cont dut!!!

Le Figaro e le crociere enologiche

In tal mes di avril sarà pusibil fà une crociere enologiche par scuviarzi le scune là chel è nasut il vin. Un biel articul l'è stat publicat su Le Figaro (chel à ancje un Club vin) e in un post l'è un biel mut di dì: nol è un bon gustà cence un bon vin (..pas de bon repas sans un bon vin..).

Propit tal just abinament l'è il secret da buine cusine. Un vin sbaliat pò ruvinà un plat chel à domandat tante fature e tante preparazion, come chel pò cuviarzi i savors di une pietanze e jessi predominant.

Cund che si scielz un vin par un gustà si vares simpri di savè ce chel cogo l'à preparat , non baste savè "carne o pesce". Se magari si lu prove ancje prime, un figuron!

Dioniso e Ampelo

Dioniso e Ampelo l'è une storie da mitologie greche, che ai cjatat in un cuadri di Pierino da Vinci, in te mostre dal Bronzino che je concludude a zenar a Firenze.

In chiste storie par scjampà al regno dai muars, Ampelo ven trasformat in une vit, di dulà che Dioniso cjape sù e strize un rap par produsi un licuid simil a le ambrosie! Ere nasut il vin!

Le storie je propit biele e mertave di jessi contade

Ancjemo apuntamens

Miercus 30 di marc as 20.30 di sere tal Ristorant "Sinfonia in 2 note" (Via Madonna del Mare 2/d- TS) si tignarà une biele cene -degustazion compagnand cul pès i vins da DOC Isonzo -Tignude di Blasig . Bisugne prenotà (040 3229944)!!



I nobii da Conte dai vins di Rome si incontraran par un brindisi e le presentazion di vins da Aziende di Giorgio Colutta vinars 25 e sabide 26 in ta sede da Delegazion in te enoteche Trimani.

Sintì il Fogolar Furlan di Rome pai details.



Cualchidun disarà che nol è il moment par fà brindisi dal moment che tra taramot in Japon, vuere in Libie, e problemas di gestion di chei che sciampin da vuere, no si sà plui dulà parasi.

Ma se no si cjale a cualchi iniziative gnove, se no si spere in un tic di futur mior, alor lasin piardi dut e ...mandi!

Ducato dai vins furlans

Di cualchi bande si è za scuviart che soi deventade NOBILE dai vins furlans in ta delegazion di Rome. Propit cussì, soi jentrade in tal Ducato dai vins furlans. In une cerimonie tignude ca da enoteche Trimani il 16 di dicembre fieste di intronizzazion insieme a l'inaugurazion da Delegazion di Rome di chiste Associazion. Ce dì? Braure, propit tante braure!!

Cuissà ce che mi a di capità ancjemo, dut par une passion pai vins mitude par furlan.

Mi tocjarà cjate il sisteme di capità plui dal spes in Friul, mi metarai a studià cimut fà!!

SUPERWHITES 2011

Une FIESTE: ecco cimut che si pol descrivi il dopodimisdi di domenie 13 al St. Regis Hotel. E ce prodòs: si lave dal Montasio al persut di S. Danel, dal salam dal Cuei al Praga. Il dut ben compagnat dai vins: friulano, pinot blanc e gris, malvasie, ribuele, chardonnay, sauvignon, e ancje ramandul e picolit.
Ancje se soi stade strete cui temps, i vins che ai cjercjat an partat dongje dome bielis emozions e un Vin el à di dà emozions! E fevelà cui produtors par confrontà cun lor i pussibi abinaments dai lors vins cun cualchi plat particolar. Ad esempli ere un pinot gris ramat chel clamave propit un risot magari cun tartufo... E chel ramandul chel domandave dome di compagnà un Montasio stagionat...
Je stade une gran biele fieste pecjat che ven dome une volte ad an!
Ma une fieste cui ros furlans no si rive ancjemò a fale? Magari in une salute plui picule.......

I vins da Imperatrice

Si è tignude a Rome al museo Napoleonic dal 25 di novembar al 27 di fevrar le mostre "I vini dell'Imperatrice. La cantina di Josèphine alla Malmaison". L'idee da esposizion ven fur da l'inventari dai bens de imperatrice Josèphine, prime femine di Napoleòn I, di cui veve divorziat par no jessi stade in grat di dagj un erede. In tal cjascjel di Malmaison le cantine ere furnide di plui di 13000 butilis. E le liste dai vins servis a chei che vevin le fortune di jessi invidas ere impressionande. Si lave dai vins di Borgogne, di Bordeaux e Champagne ai miors vins da zone di Languedoc-Roussillon, da Spagne e da l'Italie, come il Picolit dal Friul il Rosolio e il Vermouth. Poi par no tradì lis originis creolis, le imperatrice veve une pasion pal rum e i "licors da isulis". In ta mostre si passave da butililis cun fregios e inizials di Joséphine e Napoleòn e di altris da famèe Bonaparte, ad une biele colezion di tazis e servizis par ogni tipologie di vin (lis tazis di forme Medici servivin pal vin di Borgogne) e ancje cualchi coppe pal "punch", chel podeve jessi servit sie cjald (alore el podeve dà su tal cjaf) che fresc (mior tolerat). E tai panei di spiegazion si scuviarz che Napoleòn nol ere un apasionat di vins e ancje i miors Bordeaux ju slungiave cun le aghe!

Ma une robe strane: tal depliant chel presentave le mostre, in ta version franzese si lei:"Les meilleurs vins de Bordeaux, de Borgogne et de Champagne, y voisinent avec les grand crus du Languedoc-Roussilion, de l'Espagne ou de l'Italie. tel que le Picolit du Frioul, le Vermouth et le Rosolio." Se si va a lei le version in talian e in ingles sparès le citazion dal Friul.

Forsi no si saveve cimut tradusilu!

Gnufs apuntaments

Domenie 13 di marz ( as 14.30 fin as 19.30) apuntament al sT Regis Hotel a Rome cun SUPERWHITES la grande fieste dai vins blancs furlans, dulà che rinomadis cantinis presentin i lor prodòs. Une ocasion che oramai clame dongje ogni an estimadors dai blancs furlans da capital e dulintor.



Invezit, gli amis da cantine Pitars, che une an fasin e une an pensin, presenti il 25 di marz un diari di viaç in moto (!!) in Cine e une cene dulà che ricetis cinesis si sposin cun vins furlans.
Sarès propit curiose di provà a cjercjà il dolç e viodi cimut che si abine cul ramandul!

A proposit di modis...

" Ora, per mia fortuna, va di moda fare finta di intendersi di vino, così tu vedessi quanti ragazzotti entrano nel dopocena, prendono la lista dei vini e poi ti chiamano:'Mi berrei volentiri un..? e magari ti scambiano il nome della fattoria con quello del vino, oppure vogliono un Chianti dell'87 che se uno se ne intendesse un minimo saprebbe che un Chianti dell'87 al massimo lo puoi usare come combustibile, e poi come se non bastasse ci mangiano i formaggi con il miele."
Marco Malvaldi -La briscola in cinque

L'à propit reson! cumò duç espers che zirin dis minus il vin ta tace par dagj aiar (come se no savesin che i parfums a fuarce di zirà il vin a svaporin), che come Albanese l'à ben mostrat ta so parodie rivin a sintè l'odor da rose pastanade daur cjase dal sindic, e poi magari simpri parce chel va di mode misturin savors, che fasin vignì fur len e amar.
Magari mior dos nozions siguris che tante cjacare. Ma mi a parut che si è scuminzat a sbassà lis alis e che la crisi vedi moderat ancje chistis personis. Insome sin tornas al classic che non pase mai di mode: preparazion e judizi.

Un consei

Jeri lade un momentut a Firenze, ma propit parce che no dismentei le passion dal vin, un piçcul consei.
Se pasais di lì e ves un tic di fan, podes provà BORGOVINO, un localùt picul in vie Borgo S. Lorenzo al numar 21 dulà che l'assortiment di panins fresc l'è valid e dopo magari se propit no ores la cocacola, podes provà cun un tai di FRIULANO!! Sì, propit un puest di conseà agli amis.
Mandi
www.borgovino.com

Tornat!!

Si, dopo tante fature dopo tantis peregrinazions a risolvi un conflit di interes cun l'elettroniche, ecco cà a fevelà di vin une altre volte!!

No sarès mica deventas duç astemios intant??

Tantis robis di contà, ma pal prin post da gnove edizion une robe serie cjatade su un libri di un mestri samurai Ichijo Kaneyoshi, consiliar par dos voltis di un imperator giapones tal 1470.

A tutti andrebbe offerta la possibilità di rallegrarsi bevendo del vino come modo di accompagnare il divertimento. Che altro si potrebbe aggiungere? Perfino i discorsi di Confucio non indicano quantitativi precisi rispetto al vino, tranne il fatto di non diventare molesti. Dipende da come uno regge l'alcol, non c'è una regola per questo si dice che non esistono quantitativi precisi...Se ti sei divertito al punto da sentirti su di giri e pensi di essere sbronzo, è meglio per tutti se ti ritiri presto, perchè potrebbe facilmente accadere un incidente.

Se no son attualis chistis considerazions...

Sin cuasi par tornà

Mancje ancjemo poc ma si sta par tornà.. Sai che le pazienze je ormai piardude ma intant si pol là a viodi il sit Contea dei vini friulani e fà un zir su le intronizzazion dai nobili di Rome..
Mandi