Une butilie.... dismenteade

Propit cualchi dì fa je vignude fur une butilie di vin frances dismenteade. Si tratave di Gris des Sables 2005 Prestige dal Domaine di Montcalm, comprade in un viaç in Provenze e Camargue cualchi an fà. Tra l'altri veve vincjut il premi Medaille d'Or Paris 2006. Si trate di une produzion che ven fur dal cur da zone da Camargue, dal color rosat, che in te primis butilis veve une predominance di savors di mar. Le conservazion ere conseade masime par 24 mes. Une butilie piardude? Un mudament di color ere evident dal rosè si ere rivas all'ambre, ma une volte viarte a mostrat parfums di pomis (trisculis, lampons). Al gust secje, vonde morbide, sauride, plasevule, cence retrogust mareos. Pensavi di butale vie, invezit je finide a svelt. Mai pensà di savè dut sui vins!!!

Calendari da lunis par imbutiglià

Ancje se ormai le chimiche je jentrade in cantine cun prepotence, pensi sedi simpri mior scoltà i boins consei e seguità a doprà lis fasis da lune par lavorà il vin.

Chist calendari mi è stat ufiart durant le visite in ta cantine Pitars dongje a altris consei.. tipo imbutilià cuand che no l'è inulat e cence aiar, e lassà polsà il vin une volte imbutiliat almancul par 30/40 dis!

Lui dal 8 al 21

Avost dal 7 al 19

Setembar dal 5 al 17

Otobre dal 5 al 17

Novembre dal 3 al 15

Dicembre dal 3 al 15

In ros lis setemanis conseadis par imbutilià vins di valor!

Un chel sfrute le lune ancje pal so sit l'è Josko Gravner

Par tornà a scuminzà...

Sui giornai ormai je simpri plui fuarte le polemiche sui rosè. Us ripuarti un biele analisi ripuartade su Tigullio vino e mi racomandi di lei il coment di Mike.

Buine zornade a duç..

Il futur dal vin sarae chist?

Dopo i chips, dopo il vin tal tetrapack, dopo polverins difarentis par corezi i difiets e comedà ancje i vins mancul "speciai", une nuvitat ven fur dal Japon. Il giapones Hiroshi Tanaka da Innovative Design and Tecnhnology l'à realizat un sisteme par fà invecja un vin in pos seconds. Usand un sempliç sisteme di elettrolisi, si aumente le velocitat di trasformazion di un vin zovin in tun vecjo cence bisugne di doprà botis e cantinis. Gli aromas dal len cjapas sù dal vin tant chel sta ta bote si comedaran cui chips. Cuissà se pal prossin Nadal, vegnarà fur ancje un zuc sul piçul enologo, par fà il vin in cjase!

Butilis e Tetra Pack

L'è un grand ferment dopo dal decret sui contenitors pal vin difarens dal veri. Ciatarino dome vin tal TetraPack o lis butilis restarano in cualchi aziende? Le decision di scielzi un gnuf contenitor di almancul doi litros je propit volontat da aziende, nissun pense che vins di importans teritoris usaran chiste pusibilitat, se cuvente pal marcjat soredut estero cjaparen sù chiste novitat.

Ma reste important che chiste posibilitat no sedi une scuse par sbasà le cualitat dai prodos.

Une vacanze special

Une barcie e une atrezature subacue: ecco ce chel covente par zirà pa Baie di St.Malò dulà che Louis Roederer à 50 pis sot dal mar (15 metros) a depositat un tesoro di butilis da so Cuvée Brut Premier (The Guardian 4/6/2008).
No l'è il prin esperiment di conservazion dal vin sot dal mar..





http://www.maisons-champagne.com/encyclopedie/vignes_au_plaisir/articles_champ_viticole/tresor_de_champagne.htm