Cimut si fevelie tal mond dal vin?

Ormai le parodie di Albanese sul sommelier a fate scuele. O son duç intenditors dome par savè cimut che si ten une taze in man e si fàs zirà il vin (peciât che pôs san che a fuarce di falu zirà, si piardin duç i parfums) o si pense che un vin el vedi di jessi dome bon o trist. Cualchidun l'insegne ancje che i vins blancs e san di rosis blancis e chei rôs dome di lampon e more, cualchi volte ancje di cjariese. Pecjat che parfums tal vin 'ndè tanç e le chimiche a isolât za tanç parfums, dangji un nom scientific. Disen che ven piardût il gust di sintì i parfums in ogni robe, che nus reste dome il parfum da l'asfalt e chel da benzine! Cence esagerazions, ma mi samèe che coventi un tic di profesionalitât par no jessi simpri chei aprosimatifs che zirin pal mont fasint finte di savè dùt e invezit son apene lâs fur di cjase....

Ancjemò su le crisi...

Si sà che i furlans son apasionas di ort, tant che il 50% da int in Friûl l'è impegnât in chest HOBBY. Ma cun le crisi chist l'è deventât ancje plui important . Une industrie americane di samenzis tal 2008 à vindût il dopli rispiet a l'an pasât. E samèe che dongje da l'ort su lis teracis, vedin cjatât puest ancje lis gialinis cun gabijs ecologichis. Insome mi par che si torni indaûr di cualchi an, e mi pàr di viodiu chists gnufs contadins domandasi di une terace a che altre: "Toni, cimut ti cresie il lidric?" "Bepo, mi par ben, ma ai di stà atent che nol rivi cualchidun a cjapalu su prime di me, chiste je une terace condominiâl!!!"

Il mior formadi USA?

Il formadi chel à vinçut il prin premi come mior formadi in Americhe l'è il "Sarvecchio Parmesan" prodot in Wisconsin cun cualitat, a dete dai esperts, propit alte. Ancje al second puest un formadi-copie Italy: "Classico" cun lat di cjavre. Dome al tiarc puest un cheddar, tipic formadi american (Coldiretti). Alore dos son lis pussibilitas: i americans an gambiat il gust des robis di mangjà, o il copie-made in italy el funzione. Cuissà se jere ancje un MONTASIO a stelis e strissis!!!

Efies da crisi mondial

Ancje il mond dal vin el sint i riflès da crisi mondial.

Considerat un "lusso", lis venditis son coladis in bas, soredut su le cualitat che si acuiste.

No si fevele dal Bordeaux (une butilie dal 2005 cuotade fin al lui 2008, 1000 euros, cumò e coste 500) ma dal vin "cuotidian". Spazi alore ai blancs di cualitat che samein cumò jessi premias dai consumadors pal bon rapuart cualitat/presit.

Cjase, biele cjase: par scjampà dall'etilometro e sparagnà sul ricaric dal presit dai ristorans, si cir di viargi lis butilis cjase, cun pos amis, e torne a jessi armonie!!

Curiositâs

Tacè a dondolo

Barrique cun tap Swarovski

Ce nus fasino bevi?

Jessi informâs nol baste mai!! Dal 1 di avôst si podarà fà il vin rosat, misclizand vin rôs e blanc fin a vè un color di propit gradiment. Chist el suced zà atôr pal mond e alore ancje in Europe si à di fà cussì--> parcè?? Mi visi di un viaç in Provenze, patrie dai vins rosâs tradizionai e di parfums e colors une vore particolars. France e ancje Italie son lâs a protestà ma le famose commmissarie UE Mariann Fischer Boel samèe propìt che no gambi idee. Si scugnarà lei cun atenzion lis etichetis e cirè lis peraulis "vino rosè tradizionale" par jessi sigurs di ce che si bef!!!!!

Salûs da Tiare di Erasmo

Simpri di plui "fà culture" el cjape aspiets plui slargiâts. In chist câs le cantine PITARS di S. Martin al Tagliamento joibe 26 di marz presente il volum "Saluti dalla terra di Erasmo" in coordinazion cun il Circul Culturâl di Erasmo di Valvasone. Son tre seradis (19/3, 26/3, 28/3) http://www.comune.valvasone.pn.it/.
Bon brindisi!