Scusaimi il ritard ma le tecnologie mi veve molàt sul plui biel!
Ai lèt dal biel plàt di paella e se ves di scoltà i profesors bisugnares cercialu prime di abinà un vin.
Ma lis sfidis son bielis par chel...
Dos robis crodi sedin di tignì in cont par cirè un vin adàt:
le prime e rivuarde il ris e le tendenze dolçe chel dà, le seconde lis verduris (soredut melanzanis e sprcs) un tìc brusinadis che dan tendence amarognole. Poi nancje un tìc di pomodor, si scugne cirè un vin blanc!
Il prin vin che mi è vignut tal ciaf l'è stat un blanc "Virtù Romane" da cantine di Montecompatri (Rome) ma nol è facil cjatalu par dut. Scartas duc i Sauvignon par vie da tendenze amarognole, un Chardonnay ancje di chei d'oltreoceano pues là, come ancje un Tocai (ops! Friulano).
Se je une ocasion importante e di fà biele figure ancje spumant: Franciacorta saten l'è il consei.
Cumò cerciait e fasemi savè!!!!!!!!
2 commenti:
Graciis de rispueste!
In efiets cuant che o ai fat la paella la furnidure di vins e jere avonde limitade. O vevi cualchi bon neri, une buine butilie di tocai (aromai za etichetade "friulano"!), ma ae fin o vin sielzût un rosât catalan, un "Gran Caus" dal 2006.
Se o ai di dî la veretât il vin mi plâs ma no ai la presunzion di vê un palât tant fin, cun di plui in gjenerâl no cjati masse il sens dai rosâts (cuistion di ignorance, o di caratar manicheist: il blanc al è blanc e il neri al è neri!), lu ai viert plui par curiositât, ma ae fin si veve cumbinât ben, o disarès. Tu mi disarâs se o vin fat une blasteme enologjiche o se nus è lade drete.
Si sbaglie poc se cuand che tu fasis cusine internazional tu dopris ancje il vin di che zone. Il rosat l'è une buine scielte, ma chei talians no mi cunvinzin mase. Ma su certs plats da cusine provenzal ad esempli l'è il mior abinament. poi ti ribadisi: bisugne cjercià par savè se jere just!!!
Posta un commento