Degustazion NONINO

Une degustazion di ches che restin tal cur. Le famèe Nonino à presentat a l'AIS di Rome une selezion da sò produzion. Le vulcaniche Giannola e lis sos fiis son stadis protagonistis di une degustazion di alt livel sie pa cualitat dal prodot (l'ultim assagio jere une acuavite di ùe moscato mitude in barrique par 19 ains, une robe straordinarie) sie pal clima che an creat tra lis personis che jerin presintis.

Grazie pal vuestri lavor e par come che rapresentais il Friul pal mont!
E un grazie particolar e personal pa comozion che mi ves regalade tal cjercjà i vuestris prodòs che an viart un moment di ricordo particolar....

Necesitat di un aiut

Mi segnalin che il profil personal dal mio blog el risulte in ARABO.
Jo ogni volte che mi colleghi mi dà il profil normal, ma par plasè fasemi savè se chist problema si conferme cun duç!!!
Us ringrazi!

Ricordos da vacancis

Cualchi volte in vacance, masime in certis zonis are une abitudine partasi cjase une butilie di vin local, magari che si veve cjerciât e apreciât. Cumò chist si pol fà dome se si viaze in machine o in treno parce che in aereo..puaris butilis!
Se si dezit di meti le butilie in ta valise, je le pusibilitât di cjatà duç i vistis ineâs tal bon vin. Une aziende à inventât le buste asorbent pa buitilis: se si rompin il vin l'è zupat da chist material e no si ruvine nie.
No mi par une grande invenzion, preferivi alc chel salvas le butilie intiere!!!

Ce che tocje sintè!

Ier sere in tal zuc di Gerry Scotti "Il milionario" jere une domande pai telespetators che tratave di vin. "QUALE DI QUESTI VINI è UN ROSSO DEL VERONESE?" pusibilitat di rispueste: Moscato, Amarone, Verduzzo e Sauvignon.
Ben, al moment di dà le rispueste juste (Amarone), si è fevelat di moscato piemontes e da zone dell'Oltrepò Pavese (son dismenteas di altris come chel di Pantelleria, ma insome). Invezit, il Verduz l'è stat definit come un vin da culinis di Jesi!!!!
Alore: chel di Jesi si clame Verdicchio, e lis cualitas son ben difarentis dal VERDUZ. Nuie l'è stat det sul Sauvignon ma mior cussì.
Dal moment che sinti ator fevelà di chest programma come un moment di culture, tocjarà rivalutà la preparazion sui vins.

PS A destre un rap di Verdicchio, a çampe di Verduz..... Nancje il rap l'è compain!

Friulano tipico friulano

Si fevele di un bon risultat al Vinitaly par marchio "Friulano tipico friulano" chel partìs cun l'ex Tocai par slargjasi ai prodòs dal teritori. Polemichis? Crodarai, se no ce italie ise?! Ancje Friulano l'è stat tant, ma tant contestat, e dopo sin rivas a jessi orgoglios di chist nom. Forsi si varès di viodi cimut chel rispuend il marcjat parce che sta a dividi in tanç tocùs le region nol parte a nuje.
Cul mot "DIVIDE et IMPERA" i romans an rivat a comandà tanç popui...cuand si impararae che l'unitat e fas le fuarce?

Amis dal zardin

Primavere e i zardins si colorin.
Il 16 di mai je fieste dai amis dai zardins e rimirà tanç biei colors magari in cualchi aziende che sepi ofrì ancje bon bevi, nol è mal.
Partecipi a chiste iniziative le Tenute di Blasig e le Cantine Pitars.

PS Poi magari dopo ve fat un mazet domandait a jaio il furlanar un vas biel come le so creazion ripuartade in ta fotografie!!!

Ancjemo su Vinitaly

Alore come ben ripuartat tra i comens dal post precedent...le aziende che a vinzut il premi pal Friul je Venete!!!!
Ancje il Messagero Veneto l'è nacuart
e chi altris che an organizat il premi important e seletif..no si pol nancje jemplau di mail di proteste??? Forsi preval le filosofie, dute italiane, di nò fà confusion parce che senò cuissà ce chel pol sucedi...

Vinitaly e dulintôr

Doman si viarz la kermesse di Vinitaly. Tanç premis ancje pal Friûl: 1 medae d'aur e 14 Gran Menzions. Poi ai scuviârt che il premi Region pal Friûl l'è stat vinzût da Costa Vini di Latisana. No cognossi le aziende e alore mi movi tal grant mont di internet par cirè nutizis su le aziende e su le produzion...Delusion! no rivi a cjata nuie altri che gli articui che feveli dal premi ricevût di chiste aziende a Vinitaly. Pusibil che chiste aziende no vedi un sit, nè che il comun di Latisane vedi un elenco agiornât di aziendis viniculis.
Speri che sedi dome une mè mancianze ma cualchidun ancje di chei che son a Vinitaly rivarae a mandami cualchi nutizie in plui?
O ise un secret?? Tociarà clamà Sherlock Holmes!!!!

Diete e mangjà lizer

Cumò son zà duç cui sens di colpe e vie al marcjàt da dietis e da robis par dimagrè. Informasi je le mior soluzion come che si dìs in chist post.
E buinis ciaminadis che son il mior aiut da diete.