Il Tajut: une iniziative... gnove!!

L'Associazione Cultural Enogastronomiche Furlane "Il Tajut" presente un ciclo di degustazions-concert che si viarzarà joibe 5 di marz as 19.00 da sere, a Rome, Via S.Giovanni in Laterano 244/246. I vins in degustazion saran Gris de Lis Neris e Refosco dal Peduncolo Rosso de La Tunella.

I brans musicai di chiste iniziative invezit saran ... a surprese. Prenotaisi!!!!!!

Un vin chel combât le fan dal mond..

L'è il prin vin inserît tal program Iimsan, associazion leade all'ONU che par combati le fan dal mond, par finanzià le ricerche e le produzion da Alghe Spiruline, un dai plui potens integrators alimentars, plene di vitaminis, proteinis e minerai par combati le malnutrizion specie dai frus. Il vin l'è Grave Doc Celebrate Life Merlot, prodôt da aziende Fantinel di Taurian di Spilimberc.Par ogni butilie comprade, 1 $ sarà spindût da Fantinel in chest progjet.

Vin a dut past adât soredût a ciars e brasâs.

Le presentazion uficiâl je stade tal Palac di Veri dall'ONU: une biel onôr par un vin furlan!

Degustazion di Friulano e Refosc

Si tignaràn prosimamenti dos riunions organizadis par Athaeneum (http://www.ateneodeisapori.it/) par cercijà une volte di plui Tocai (alias Friulano) e Refosc. Plui aziendis, plui prodôs e sperin un braf e espert cercijador. Se pasais par Rome us spieti.....

Ancje Lui....

" Josef di Arimatee, om impuartant dal consei, al rivà, si fasè cur fuart, al jentra di Pilat e j domandà il cuarp di Gijesù. Pilat si maraveà ch'al fos za muart."
Vanzeli di Marc 15, 43-44.

Tant berlà, tant uicà da part di int che nol sà nancje di ce che si fevele, juste par mostrasi.....
Un poc di silenzio e tant rispiet........
Mandi!!!

...un moment di polse...

Un Piçul moment di polse tal blog in coincidenze di un ziar pal Friûl!!! Tant timp che manciavi..!!! Mase pôs dîs..E ce biele sodisfazion, dopo ve viodud nasì tantis fabrichis e lasâs là in malore tanc cjamps, scuviarzi che an tornât a pastanà vîis. Sì, propìt te zone de Grave atôr dal Judri estensions di vignai chel are un plasè di viodi!!!

E in tas matinis fredis, cun calme, i contadins a potà lis viis, a scielzi le rame miôr di tirà su, par vè dopo il miôr risultat.

Speri di vè pussibilitât di tornà in curt pà seconde part dal ziar: dopo lis vignis, lis cantinis!!!!