Abinament special

Par une volte no vevi voè di abinà il solit ros su un biel arrost cun le pulente. Alore soi visade di une bire che o vevi cerçiat temp fà: Vienna da Ditte Theresianer, une buine rispueste pai amans di chiste bevande. Ma ancje la Strong Ale da stese dite un pôc plui alcoliche (8.5%) cumbinave ben cun le ciar rose e cui formadis stagionâs. WWW.THERESIANER.com ma gli espers zà le cognosin...

Gnuf President e ancje gnovis abitudinis

Dopo 8 ains di astemis di vin (chiste no le savevi, ma propit sul serio? poi disin che le aghe e fâs ben e no confond lis ideis, ma forsi el are bourbon) finalmenti in Americhe il President torne a bevi vin. Anzi samèe chel sedi un estimador di vins cun une cantine privade di dot rispièt e i magiors produtors di vins americans son tra i soi eletors.

Cuissà sel manten lis regulis che si à di bevi dome vins americans a la Casa Bianca o si pol gambià ogni tant cualchi butiglie...juste par cercà cualchi novitât!!!

Bon lavor, President!!!

Un purcît ...furlan

Chiara mi à segnalât le iniziative dal Salumificio UANETTO che par rinfuarzà le idee da genuinitât dal prodot, lu fâs fevelà par furlan al contrari dai savors internazionai, duc compains che si ciatin atôr tas buteghis.

Di sigùr sarà polemiche forsi je bisugne di une traduzion..

Archeologie contadine

Une biele scuviarte in Piemont tai ains Setante e cumò difondude in tal ambient enologic. Si trate di archeologie contadine dulà che le fertilitât dal taren are le vite par une famèe.
Une culture piardude ancje se cualchi segno el reste atôr...

Culture alcoliche..a scuele!

Il probleme da l'abus di alcol l'è sintut in dute Europe, e cualchidun chel pense a chist probleme l'è atôr! Propostis: siarà prime lis discotechis (come se fosin gli unics puests l'à che si bef .. dopo une certe ore), machinis che no partisin se il tas alcolic l'è alt. Une iniziative che vares di jessi mostrade soredut in tes scuelis je nassude in Europe e sperin che fasi il zir ancje da l'Italie. Forsi no sarà une soluzion ma le strade mi par vonde juste....

Culture gastronomiche

Cuand che si è al di fûr da Italie, si sent spès i Talians che si lamentin da cusine local, che bramin un plàt di "spaghetti" o magari in Irlande son daûr a vosà parce che cul lat si fas dome spongje e no mozzarella. A tal proposit, une biele interviste a Robert Maklowicz, espert di culture enogastronomiche da l'est de Europe chel conclut cun une biele affermazion“Tra Storia e Cucina ci sono dei legami molto interessanti ed è proprio questo che mi ha impressionato di più. Là dove perdura la memoria della cucina la gente può dire di avere le radici ed è consapevole che in queste si conserva la propria storia”.

Une biele iniziative

Dulà che oramai si fevele di globalizzazion e di prodos che spès son compains atôr pal mond, cence nisune impronte local, si à di dai at a chist libri di jessi in cuintritendence. E si scuviarz che l'autor l'è inamorât tra l'altri dal Schioppettino e dal Pignûl. E nol mancje ta interviste di nomenà la Vitovska... Une biele leture!

Culture alcoliche?

L'è un biel fevelà tal mond dal vin di controi, limits e di gnufs coretors par controlà il tàs alcolic tal sang da int che si met a guidà une machine e poi magari e fàs casins par sè e par chi altris.
Une biele opinion ven dal blog di Aristide, dulà che si pon il probleme di duç chei che lavorin tal mond dal vin. Alore bisugne fà un censiment dai astemis e proponi lor un gnuf lavor: puartà ator la int che lavore in chist setor, cence pericui. Cuissà se si sbasarà a 0.2 il tas alcolic di tolerance par guidà (alias nancje un MonCherì) se chiste idee puès ciapà fuarce. Di sigur bisugnarà ancje al plui prest procurasi une robe cussì...

A spâs pa ret...

Uè soi a segnalaus cualchi alc sul vin ciatât sui blogs furlans e su la ret. Scuminzant dal Braf furlan cul "vin da pas" prodot da Cantinis di Cormôns. Un vin chel vin nomenat spès e chel fâs onor a chiste cantine. Mi pâr sedi stade une biele feste... Cussì si pò preparasi ancje par Superwhites , la fieste dai blancs furlans che sarà a Rome il 17 e il 18 di zenar

E par finì i conseis pes fiestis di Archeofurlane!!!

Di sigûr ai dismenteât di nomenà cualchidun, ma oramai a une certe etât.....

Bon Principi!!!

Bon principi di an a ducj!!!!

Par continuà a fa fieste ûs segnali une gnove iniziative da Cantine Pitars a S. Martin...

Par tornà a scuviarzi alç, par no banalizà lis fiestis,

par fà i buins proposit da principi di an...

L’Associazione Musicale “Bertrando di Aquileia”
di S. Giorgio della Richinvelda
in collaborazione con la Cantina Pitars
di S. Martino al Tagliamento

ha il piacere di augurare Buon Anno Nuovo con il
C O N C E R T O
dell’Orchestra Giovanile
dell’Accademia Zinaida Gilels
costituita da allievi e maestri delle Scuole di Musica di S. Giorgio, S.Vito al Tagliamento, Pordenone e Portogruaro
violini solisti: Laura Bortolotto, Paolo Tagliamento

Musiche di J. S. Bach, A. Vivaldi, T. Vitali, F. Kreisler

S. Martino Tagl.to, Cantina Pitars,
via Tonello 10/A
sabato, 3 gennaio 2009, ore 20.30